שיחת ש"פ בשלח, יו"ד שבט ה'תשד"מ.

א.
לכל לראש איז דאס א התוועדות פארבונדן מיט יו"ד שבט,
דער יום הסתלקות הילולא פון כ"ק מו"ח אדמו"ר,
דער ממלא מקום פון די נשיאים שלפניו ביז דעם אלטן רבי'ן,
המייסד חסידות חב"ד והראשון מנשיאי חב"ד.
וכמדובר כמ"פ אז וויבאלד ער ווערט אנגערופן ע"פ תורה בשם "ממלא מקום",
איז ער זיכער ממלא כל המקום מזה שלפניו
(ביז צו דעם אלטן רבי'ן).
ואדרבה –
נאך באופן פון "מעלין בקודש" 1,
"כפליים לתושי'" 2.
ובמכ"ש וק"ו:
מה-דאך אז בנוגע יעדער אידן ווערט אנגעזאגט "מעלין בקודש",
עאכו"כ ביי א נשיא בישראל,
שממנו יראו וכן יעשו,
ובלשון הרמב"ם 3 –
ער איז "לב כל קהל ישראל",
ולבא פליג לכולא שייפין 4,
ד.ה. אז פון דעם נשיא קומט ארויס לכולא שייפין
[וכמדובר בההתוועדות שלפנ"ז 5 בקשר מיט נוסח התפלה "וצאצאינו"),
איז זיכער אז ער איז ניט נאר ממלא מקום מאלו שלפניו,
נאר באופן פון מעלין בקודש. ווארום מה-דאך אז א ננס על גבי ענק זעט ווייטער
(און האט מערער כחות)
ווי דער ענק 6,
עאכו"כ אן ענק על גבי ענק.