ברכת כ"ק אדמו"ר שליט"א ערב יוהכ"פ בביהכנ"ס אחרי תפלת המנחה, ה'תשד"מ

א.
מ'האט שוין גערעדט כמה פעמים,
אַז די קביעות מיוחדת פון יעדן יאָר
(מיט וועלכער זי איז אַנדערש פון די פריערדיקע יאָרן) –
איז קובע"
(קביעות מלשון קבוע)
בנוגע דעם גאַנצן יאָר,
און אויך דערנאָך –
אַ פעולה נמשכת אין די שנים שלאח"ז.
אַזוי איז דאָס אויך בנוגע צו ערב יום הכפורים,
אַז נוסף אויף די ענינים שבו וואָס זיינען אַלעמאָל בשווה,
זיינען דאָ אין אים ענינים וועלכע זיינען תלוי אין דער קביעות השנה הזו.