שיחת יום ג' פ' ויגש, ה' טבת* ה'תשמ"ז. - בביהכנ"ס, אחר תפלת מנחה -

א.
ס'איז ידוע די תורה והוראה פון דעם אלטן רבי'ן
(איבערגעגעבן דורך כ"ק מו"ח אדמו"ר,
נשיא דורנו 1),
אז מ'דארף לעבן מיט דער צייט,
און ווי דער מיטעלער רבי
[זייענדיק דער מדריך פון די נייע,
יונגע חסידים פון דעם אלטן רבי'ן 2]
האט מבאר געווען 3
(לאחרי השאלה באם אלטן רבי'ן),
אז דאס מיינט —
לעבן מיט פרשת השבוע,
און אין פרשת השבוע עצמה —
כל יום מיט דעם חלק הפרשה המתאים ליום זה.
אין דעם ערשטן פסוק פון היינטיקן שיעור חומש —
שלישי עד רביעי בפ' ויגש —
שטייט 4,
אז יוסף זאגט זיינע ברידער:
"ועתה לא אתם שלחתם אותי הנה כי האלקים גו'"
(ווי עס שטייט אין דעם פסוק שלפני 5:
"וישלחני אלקים לפניכם לשום לכם שארית בארץ ולהחיות לכם לפליטה גדולה". ולפני 6:
"למחיה שלחני אלקים לפניכם").