שיחת ש"פ מטו"מ, מבה"ח מנחם אב ה'תשמ"ו.

א.
אין שבת קודש מברכים החודש זיינען פאראן צוויי ענינים:
א) דער ענין כללי בכל שבת קודש מברכים,
און ב) דער ענין פרטי פון יעדער שבת מברכים,
ובנדו"ד –
שבת מברכים החודש מנחם-אב.
און אין דעם פרט גופא איז דא א) די נקודה כללית ומשותפת פון שבת מברכים מנחם-אב בכל שנה ושנה,
און ב) דער פרט שבפרט –
דער ענין מיוחד ופרטי פון שבת מברכים מנחם-אב לויט דער קביעות מיוחדת פון כל שנה. ובכללות החילוק –
צי דאס איז אין א שנה פשוטה אדער אין א שנה מעוברת
(כבשנה זו).
ובפרטיות יותר –
החילוק מצד פרשת השבוע:
שבת מברכים אב קען ניט אויסקומען נאך פ' מסעי,
אבער בזה גופא זיינען דא חילוקים:
עס קען זיין בשבת פ' פינחס,
בשבת פ' מטות,
בשבת פ' מסעי, אדער
(ווי בשנה זו) –
בשבת פ' מטות ומסעי.