שיחת יום ג' פ' בהעלותך, טו"ב סיון ה'תשמ"ו – להמסיימות ד"בית רבקה" ולהמדריכות ד"מחנה אמונה" תחיינה

א.
דער היינטיקער צוזאמענקומען זיך איז אין צוזאמענהאנג מיט סיום שנת הלימודים,
און אויך אלס צוגרייטונג צו דעם זומער.
און ווי גערעדט מערערע מאל ו,
אז כאטש עס הייסט אז דער צוזאמענטרעפן זיך איז אין צוזאמענהאנג מיטן "סיום" פון שנת הלימודים,
איז ווי אין אלע זאכן וואס זיינען פארבונדן מיט גוטס,
און ספעציעל מיט אידישקייט,
איז ניט שייך צו זאגן ח"ו אז עס "ענדיקט זיך" –
נאר עס איז בלויז א סיום פון איין אופן העבודה,
און א התחלה פון א צווייטן אופן העבודה,
וכדלקמן.