שיחת ש"פ אחרי, מבה"ח אייר ה'תשמ"ו

א.
ס'איז דער שבת נאך אחרון של פסח,
וואס דער שבת טוט אויף א שלימות
("ויכולו" 1))
אין די ענינים פון אחרון של פסח.
דער קשר צווישן אחש"פ און דעם שבת איז נאך גרעסער בקביעות שנה זו
(אע"פ וואס בכל שנה האט אחש"פ א שייכות מיטן שבת שלאחריו) —
ווען אחש"פ איז אויסגעקומען ביום החמישי בשבוע,
אין די ג' ימים פון "קמי שבתא"
(בלשון הגמרא 2)),
וואס האבן א שייכות מיוחדת מיט שבת
[נוסף צו דעם ענין וואס יעדערער פון די טעג האט בפ"ע,
וואס "כל יומא ויומא עביד עבידתי'" 3)],
מער ווי די שייכות פון שאר ימי השבוע צו שבת,
כמודגש בשמם –
"קמי שבתא",
"רביעי חמישי וששי נקראין על שם שבת הבאה" *3.