שיחת ש"פ פינחס, י"ד תמוז ה'תשד"מ.

א.
ס'איז א התוועדות אין צוזאמענהאנג מיט יום השבת,
וואס "מקדשא וקיימא" 1. אבער ניט יעדער שבת האט כ"ק מו"ח אדמו"ר נשיא דורנו געהייסן מאכן א התוועדות. איז די התוועדות קומט פאר אין צוזאמענהאנג
(אין שבת גופא)
מיטן שבת וואס קומט בהמשך ובסמיכות צו די ימי הגאולה פון י"ב-י"ג תמוז,
אָן קיין הפסק בינתיים
(וויבאלד אז י"ב-י"ג תמוז זיינען געווען ביום חמישי וביום ששי).
אפילו אויב עס וואלט געווען א הפסק בינתיים,
ווערן י"ב-י"ג תמוז אויך נתעלה ביום השבת אין אן אופן פון "ויכולו" ושלימות 2.
ד.ה. אז אלע ענינים פארבונדן מיט די גאולה פון י"ב-י"ג תמוז מיטן גאנצן שטורעם בזה,
כולל וואס "לא אותי בלבד גאל הקב"ה בי"ב תמוז,
כי אם גם את כל מחבבי תורתנו הק',
שומרי מצוה,
וגם את אשר בשם ישראל יכונה כו'" 3 ווערן נתעלה בשבת שלאח"ז אין נאך א העכערער שלימות.