בס"ד. שיחת ש"פ במדבר, מבה"ח וער"ח סיון ה'תשמ"ב.

א.
ס'איז דאך שבת מברכים ראש חודש סיון.
וואס אע"פ אז במשך השנה זיינען פאראן כמה שבת מברכים החודש,
איז אבער נוסף לזה וואס אלע שבת מברכים החודש האבן צווישן זיך א צד השוה,
איז אין יעדער שבת מברכים החודש דא אן ענין מיוחד וחדש בפ"ע וועלכער איז ניטא אין די אנדערע שבת מברכים החודש,
ווארום יעדער חודש האט אין זיך אן ענין מיוחד וחדש בפ"ע וואס איז ניטא אין די אנדערע עלף חדשים
(אדער צוועלף חדשים –
אין א שנה מעוברת),
איז אזוי אויך בנוגע דעם שבת מברכים החודש וואס בענטשט דעם חודש מיוחד.